Në kuadër të Projektit “Rritja e transparencës dhe aksesit në drejtësinë kushtetuese”, të mbështetur nga Konfederata Zvicerane, e përfaqësuar nga Departamenti Federal i Punëve të Jashtme të Zvicrës, që vepron nëpërmjet Ambasadës së Zvicrës në Shqipëri, kërkohet të angazhohet me kohë të pjesshme (part-time) për një periudhë disa mujore një ekspert i lartë kostitucionalist për të ndihmuar me sintetizimin e vendimeve të Gjykatës dhe përgatitjen e buletinit periodik të saj në gjuhën shqipe dhe atë angleze.
Nën kujdesin e Kabinetit të Kryetarit dhe mbikqyrjen e Njësisë së Shërbimit Ligjor të Gjykatës Kushtetuese, eksperti do të ndihmojë me përgatitjen e përmbledhjeve sintetike të vendimeve të Gjykatës, përmbledhje të cilat do të jenë pjesë e buletinit periodik dy-mujor të vendimmarrjes së kësaj Gjykate.
Përshkrimi i detyrave:
Eksperti kryen detyrat e mëposhtme:
- njihet me vendimet, i rendit/klasifikon ato dhe përgatit përmbledhjen sintetike të tyre sipas metodologjise dhe modelit të miratuar nga Gjykata;
- përgatit draftin e buletinit periodik të vendimmarrjes dhe merr miratimin për përmbajtjen përfundimtare të tij;
- bashkëpunon për realizimin e veprimtarive të ndërmarra në zbatim të projektit “Rritja e transparencës dhe aksesit në drejtësinë kushtetuese”.
Kritere të përgjithshme për përzgjedhje:
- diplomë universitare në drejtësi dhe të drejtat e njeriut, të paktën në nivelin e doktoraturës;
- njohuri të shkëlqyera të ligjit dhe praktikës kushtetuese në fushat/temat përkatëse të kësaj detyre;
- botime në fushën e drejtësisë kushtetuese, ligjit dhe të drejtave të njeriut;
- përvojë profesionale si konsulent/ekspert me projekte që synojnë rritjen e kapaciteteve të profesionistëve ligjorë;
- të paktën njëzet vite përvojë në studio avokatie, institucione apo organizata vendase ose ndërkombëtare që punojnë në fushën e drejtësisë dhe atë të të drejtave të njeriut;
- të jetë angazhuar apo marrë pjesë në veprimtari e nisma që promovojnë drejtësinë kushtetuese dhe respektimin e të drejtave të njeriut;
- të ketë përvojë me hulumtimin, analizimin dhe sintetizimin e vendimeve gjyqësore të Gjykatës Kushtetuese, në kuadër të botimeve profesionale ligjore;
- aftësi shumë të mira hartimi dhe komunikimi dhe në gjuhën angleze dhe shqipe;
Aplikimi:
Personat e interesuar të cilët përmbushin kriteret e lartpërmendura ftohen të paraqesin brenda datës 20 maj 2024 jetëshkrimin e tyre dhe një letër motivimi në adresën: Erion.Tafaj@gjk.gov.al
